ბობ ოდენკირკის კრიმინალური დრამედიის „ნორმალური“ თრეილერი გამოვიდა

გამოვიდა კრიმინალური დრამედიის „ნორმალური“ (Normal) სახალისო და მოქმედებებით დატვირთული თრეილერი. ფილმში მთავარ როლს ბობ ოდენკირკი (Bob Odenkirk) (ცნობილი სერიალებიდან „ჯობია საულს დაურეკოთ“ (Better Call Saul) და ფილმიდან „არავინ“ (Nobody)) ასრულებს, რომელიც პატარა ამერიკული ქალაქის ახალ შერიფს განასახიერებს. მის გარდა, ფილმში მონაწილეობენ ლენა ჰიდი (Lena Heady), ჰენრი უინკლერი (Henry Winkler), რაიან ალენი (Ryan Allen), ბილი მაკლელანი (Billy MacLellan), ბრენდან ფლეჩერი (Brendan Fletcher), რინა ჯოლი (Reena Jolly), პიტერ შინკოდა (Peter Shinkoda) და ჯეს მაკლეოდი (Jess McLeod). ფილმის რეჟისორია ბენ უიტლი (Ben Wheatley) („რებეკა“, „დოქტორი ვინ“), სცენარი კი დერეკ კოლსტადმა (Derek Kolstad), „ჯონ უიკის“ და „არავინ“-ის შემქმნელმა, ბობ ოდენკირკთან ერთად დაწერა. სიუჟეტის მიხედვით: „ქალაქ ნორმალში, ამერიკის შუადასავლეთში, შერიფ ულისესთვის (ბობ ოდენკირკი) დროებითი დანიშვნა უნდა ყოფილიყო შვება, როგორც მისი ცოლ-ქმრული პრობლემებისგან, ისე სამსახურებრივი მოვალეობის შესრულებისას მიღებული ბოლოდროინდელი მორალური ტრავმებისგან. „მაგრამ როდესაც წარუმატებელი ბანკის ძარცვა არღვევს მუნიციპალიტეტის მშვიდ ტემპს, უნებლიეთ მჟღავნდება ბინძური საიდუმლო და ულისე ხვდება, რომ ქალაქი სულაც არ არის ისეთი „ნორმალური“, როგორსაც მისი სახელი გულისხმობს. „უეცრად ყველა ცდილობს შერიფის მოკვლას, მათ შორის მისი საკუთარი მოადგილეებიც კი, და ჩვენს გაჭირვებაში მყოფ პოლიციელს მოუწევს დაეყრდნოს თავის კეთილგანწყობილ გამბედაობასა და რამდენიმე ჭრელ თაღლითს, თუკი ღამის გადატანა სურს. (ეს ყველაფერი მანამ, სანამ იაკუძა გამოჩნდება).“ ფილმი საკმაოდ სახალისო სანახაობას გვპირდება. ბობ ოდენკირკი შეუფერხებლად შევიდა ამ სამოქმედო ჟანრში და მისი შესრულება ყოველთვის გამოირჩევა მშრალი იუმორით, რაც მას განსაკუთრებულს ხდის. „ნორმალური“ აშშ-ის შერჩეულ კინოთეატრებში 17 აპრილიდან გამოვა.