„ის სულ ღადაობდა, არასდროს ჩერდებოდა... სანამ სიტყვა „მოქმედება!“ არ იტყოდნენ,“ – იხსენებს მსახიობი გადაცემა „Hot Ones“-ში. დენიელ რედკლიფმა ხუთშაბათს „Hot Ones“-ს უთხრა, რომ გარდაცვლილ მსახიობს, მაიკლ გემბონს, უხამსი მეტსახელი ჰქონდა, რომელიც მან ხუმრობით შეარქვა „ჰარი პოტერისა და ნახევარპრინცის“ გადაღების დასასრულს. რედკლიფი იხსენებდა წლებს, რომლის განმავლობაშიც „ჰარი პოტერის“ ფილმების სერიის გადაღებებზე კინოს ყველაზე პრესტიჟულ მსახიობებთან მუშაობდა, მათ შორის მეგი სმიტთან, გერი ოლდმენთან და სხვებთან ერთად. „Hot Ones“-ის წამყვანმა, შონ ევანსმა, შემდეგ ჰკითხა, თუ რა იყო საუკეთესო სამსახიობო ოსტატობა, რაც მან „ჰარი პოტერის“ გადასაღებ მოედანზე ნახა. ვარსკვლავმა თქვა, რომ აფასებდა მსახიობებს, რომლებიც „მარტივად წარმოაჩენენ ყველაფერს“, და სწორედ ამ დროს გაუზიარა რამდენიმე ანეკდოტი დამბლდორის როლის შემსრულებელ გემბონზე და მის იუმორის გრძნობაზე. „ის სულ ღადაობდა, არასდროს ჩერდებოდა... სანამ სიტყვა „მოქმედება!“ არ იტყოდნენ,“ – განმარტა რედკლიფმა. „ზოგჯერ ის ცდილობდა ჩემი გაცინებას... ზოგიერთ მსახიობს უყვარს მთელ პროცესს მისტიური აურით მოსვა და ენერგმად ყოფნა. მაიკლ გემბონთან კი, როდესაც გადასაღებ მოედანზე მიხვიდოდი, ის გკითხავდა, „რა კადრია?“ და შენ ეტყოდი, „ოჰ, კამერა აქ დგას, მაიკლ. ასე რომ, შენ აქ ხარ, მაგრამ იმ მხარეს იყურები.“ ის კი იტყოდა, „ოჰ, რა არის ეს, ბ-ო-ჰ-ნ-ა-რ?“. მე ვუთხარი, „უკაცრავად, რა არის ეს?“. ის კი მეუბნება, „თავის უკანა მხარე, მსახიობობა საჭირო არ არის.“ და მე ვამბობ, „კი, კი, საჭიროა.“ მან განაგრძო და თქვა, რომ „ჰარი პოტერის“ მეექვსე ნაწილის კულმინაციის დროსაც კი, გემბონი ხუმრობებს არ წყვეტდა. „ჩვენ ნავში ვიყავით, დეტალები არ მახსოვს, მაგრამ ამ პატარა ნავში მივდიოდით კუნძულისკენ, რომელიც გარშემორტყმული იყო ცუდი ნივთებით, და ის იტყოდა, „რა არის ეს, ტ-ტ-ი-ა-ბ?“. მე ვუთხარი, „რა?“,“ – იხსენებს რედკლიფი. „„ორი იდიოტი ნავში.““ მან დაასრულა მოგონებებში მოგზაურობა იმ მსახიობების შექებით, რომლებიც სამუშაოს ზედმეტად სერიოზულად არ აღიქვამდნენ, განსაკუთრებით კი აღნიშნა, თუ რამდენად კომუნიკაბელური იყო მისი ყოფილი თანავარსკვლავი იმელდა სტონტონი. „იმელდა ყველასთან ყველაფერზე ჭორაობდა, შემდეგ კი, როდესაც სიტყვა „მოქმედება!“ გაისმოდა, ის სრულად ჩართული და შესანიშნავი იყო,“ – თქვა რედკლიფმა. „ის ადამიანები, რომლებსაც შეუძლიათ სამუშაოს შესრულება ისე, რომ მუდმივად არ გაგრძნობინებენ, თუ რაოდენ ბევრს შრომობენ, ყოველთვის ყველაზე მაგარ ადამიანებად ჩანდნენ.“