ჯონათან მეიჯორსი ექშენ ფილმით ბრუნდება ჰოლივუდში ოთხწლიანი პაუზის შემდეგ

ჯონათან მეიჯორსი, ოთხწლიანი პაუზის შემდეგ ჰოლივუდის ბლოკბასტერებიდან, როგორიცაა „კრიდი III“ (Creed III) და Marvel-ის „ადამიანი ჭიანჭველა და კრაზანა: კვანტომანია“ (Ant-Man and The Wasp: Quantumania), ბრუნდება. მან ხელი მოაწერა კონტრაქტს The Daily Wire-ისა და Bonfire Legend-ის უსათაურო ექშენ ფილმში მთავარი როლის შესასრულებლად. ფილმის რეჟისორი კაილ რანკინია (Run Hide Fight), რომელიც საკუთარი სცენარის მიხედვით იღებს სურათს. ფილმის სათაური და სიუჟეტი ამ დროისთვის გასაიდუმლოებულია. Deadline-ის ექსკლუზიური რეპორტის მიხედვით, პროექტი „აღწერილია, როგორც 80-იანი და 90-იანი წლების ექშენ ფილმების, „წითელი განთიადის“ (Red Dawn) და „სათამაშო ჯარისკაცების“ (Toy Soldiers) მსგავსი, რომლებიც თინეიჯერი ბიჭების ჯგუფების შესახებ იყო, რომლებსაც ერთად უნდა შეკრებილიყვნენ შემოსეული მტრების დასამარცხებლად.“ პროდიუსერები არიან ბენ შაპირო (The Ben Shapiro Show) და დალას სონიერი (Bone Tomahawk) The Daily Wire-სა და Bonfire Legend-ისთვის, შესაბამისად. ტრევის მილსი (Frontier Crucible), ლილიან კემპბელი (The Pendragon Cycle) და სიდნი ოკრემანი (Terror On The Prairie) ასევე პროდიუსერები არიან. The Daily Wire არის სტუდია, რომელიც დგას ისეთი კინოპროექტების უკან, როგორიცაა „ტერორი პრერიაზე“ (Terror on the Prairie), ჯინა კარანოს მონაწილეობით, ჯერემი ბორინგის სატირული საკალათბურთო კომედია „ქალბურთელები“ (Lady Ballers) და ჯასტინ ფოლკის დოკუმენტური ფილმები „რასისტი ვარ?“ (Am I Racist?) და „რა არის ქალი?“ (What Is a Woman?). მოგეხსენებათ, მეიჯორსი კარიერის მწვერვალზე იყო მანამ, სანამ 2023 წელს შეყვარებულზე თავდასხმაში ბრალდებულად ცნობის შემდეგ სტუდიებმა ის მრავალი პროექტიდან არ გაათავისუფლეს. მისი უახლესი პროექტი, „უმოწყალო“ (Merciless), არის საშინელებათა თრილერი, რომელიც ფრენკ ჰანამ და კრისტოფერ ტაფინმა დაწერეს. IMDB-ზე ფილმის აღწერაში ნათქვამია: „როდესაც მის საყვარელ ქალს ბოროტი ძალა დაეუფლება, CIA-ს საუკეთესო გამომძიებელი მზად არის, კიდევ უფრო შორს წავიდეს მის დასამარცხებლად.“ ჰოლივუდის კეთილგანწყობიდან გაუჩინარებამდე, ჯონათან მეიჯორსმა ითამაშა ფილმებში „უკანასკნელი შავკანიანი სან-ფრანცისკოში“ (The Last Black Man in San Francisco), „5 სისხლი“ (Da 5 Bloods), „ლავკრაფტის ქვეყანა“ (Lovecraft Country), ჯეიმს სემუელის „რაც უფრო მძიმედ ეცემიან“ (The Harder They Fall), „ერთგულება“ (Devotion), „ჟურნალის ოცნებები“ (Magazine Dreams) და „კრიდი III“ (Creed III), მაიკლ ბ. ჯორდანთან ერთად. იმ დროს ფავორიტად მიჩნეული მეიჯორსი მარველის კინემატოგრაფიულ სამყაროში (MCU) თამაშობდა დამპყრობელ კანგს, მონაწილეობდა პროექტებში, როგორიცაა „ადამიანი ჭიანჭველა და კრაზანა: კვანტომანია“ და სატელევიზიო სერიალი „ლოკი“. მარველმა კანგისთვის MCU-ის შემდეგი „დიდი ბოროტმოქმედის“ როლი მოამზადა, მაგრამ მეიჯორსის იურიდიულმა პრობლემებმა (სტუდიის მტკიცებით, სხვა მიზეზებთან ერთად) აიძულა მარველი შეეცვალა გეგმები და საბოლოოდ კანგი სცენიდან გააქრო.