"Variety"-მ გამოაქვეყნა როკ-ენ-როლის დიდების დარბაზის წლევანდელი ჩვიდმეტი ნომინანტი. მიუხედავად იმისა, რომ ეს არის „როკ-ენ-როლის“ დიდების დარბაზი, ორგანიზაცია უფრო მეტად მოიცავს ყველა პოპულარულ მუსიკალურ შემსრულებელს. 2026 წლის ნომინანტებს შორის წარმოდგენილია არტისტების ყველაზე ფართო სპექტრი, რაც კი ოდესმე შეკრებილა – ჯეფ ბაკლიდან Wu-Tang Clan-მდე. გარდა ამისა, ცოტა ხნის წინ გავრცელდა ინფორმაცია, რომ Wu-Tang Clan-ის თანადამფუძნებელი, ოლივერ „Power“ გრანტი 52 წლის ასაკში გარდაიცვალა. გრანტი იყო რეპ-ჯგუფის მენეჯერი და გადამწყვეტი როლი ითამაშა მათ ბიზნეს გეგმებში. გრანტი ჯგუფში მიტჩელ „Divine“ დიგსთან ერთად ინვესტირებას ახდენდა, რის შედეგადაც ისინი რეპ-ინდუსტრიის ერთ-ერთ ყველაზე მნიშვნელოვან შემსრულებლად იქცნენ. ახლა კი ნომინაციების შესახებ. როკ-ენ-როლის დიდების დარბაზის 2026 წლის ნომინანტები არიან: პირველად წარდგნენ კანდიდატებად: ჯეფ ბაკლი, ფილ კოლინზი (Genesis-თან ერთად უკვე შეყვანილი წევრი), მელისა ეთერიჯი, ლორენ ჰილი, INXS, New Edition, პინკი, შაკირა, ლუთერ ვანდროსი და Wu-Tang Clan. ამასობაში, Black Crowes, მერაია ქერი, ბილი აიდოლი, Iron Maiden, Joy Division/New Order, Oasis და Sade უკვე იყვნენ წარმოდგენილი წინა წლების ბიულეტენებში დიდების დარბაზში შესვლის მიზნით. Black Crowes, ქერი, აიდოლი, Joy Division/New Order და Oasis წელს ზედიზედ მეორედ არიან ნომინირებული. თუმცა, ქერი, Iron Maiden, Joy Division/New Order და Oasis სულ სამჯერ იყვნენ წარმოდგენილი წინა ბიულეტენებში. Black Crowes, აიდოლი და Sade კი მანამდე ერთხელ იყვნენ ნომინირებული. პინკი ერთადერთი არტისტია სიაში, რომელიც პირველად არის ნომინირებული. მან მუსიკალურ სცენაზე, R&B ჟანრში, 2000 წელს თავისი ალბომით "Can’t Take Me Home" დიდი შთაბეჭდილება მოახდინა. მოგვიანებით კარიერაში მან უფრო როკ-ჟღერადობისკენ გადაინაცვლა, მაგრამ დარჩა პოპ არტისტად, რომელსაც უამრავი ჰიტი ჰქონდა Top 40 ჩარტებში. აბა, რას ფიქრობთ წლევანდელ ნომინანტებზე? ვის ისურვებდით დიდების დარბაზში ხილვას? ვინ გიკვირთ, რომ უკვე არ არის შეყვანილი?